Pancakaki téh nya éta pernahna jelema ka jelema deui anu sakulawarga atawa anu kaasup baraya kénéh.
a. Rundayan atawa turunan
- Anak, nya éta turunan kahiji
- Incu, nya éta turunan kadua atawa anakna anak
- Buyut, nya éta anak incu
- Bao, nya éta anakna buyut
- Janggawaréng/ canggahwaréng, nya éta anakna bao
- Kaitsiwur, nya éta anak janggawaréng
- Sékésélér, nya eta anakna kaitsiwur
b. Ka luhur
- Bapa, nya éta lalakianu boga anak, salaki indung
- Indung, nya éta awéwé nu boga anak, pamajikan bapa
- Aki, nya éta bapana indung atawa bapa
- Buyut, nya éta bapa/indungna aki atawa nini
- Bao, nya éta indung/bapana buyut
- Janggawaréng, nya éta indung/bapana bao
- Kaitsiwur, nya éta indung/bapana janggawaréng
c. Ka gigir
- Adi, nya éta dulur sahandapeun
- Lanceuk, nya éta dulur saluhureun
- Emang/paman, nya éta adina bapa atawa indung (lalaki)
- Bibi, nya éta awéwé adina bapa atawa indung
- Ua, nya éta lanceukna bapa atawa indung
- Alo, nya éta anak lanceuk
- Toa, nya éta anak adi
- Kapiadi, nya éta anakna emang atawa bibi
- Kapilanceuk,nya éta anakna ua
- Incu ti gigir, nya éta incuna adi
- Aki ti gigir,nya éta lalaki, adina atawa lanceukna aki/nini
- Nini ti gigir, nya éta awéwé, adina atawa lanceukna aki/nini
- Ua ti gigir, nya éta anakna lanceuk aki/nini
- Emang ti gigir, nya éta anak adi aki/nini (lalaki)
- Bibi ti gigir, nya éta awéwé, anakna adi aki/nini
d. Istilah séjénna
- Adi beuteung, nya éta adina pamajikan/salaki
- Dulur sabrayna, nya éta dulur misan, anak paman, bibi, atawa ua
- Dulur teges, nya éta dulurenya saindung sabapa
- Indung téré, nya éta pamajikan bapa, tapi lain nu ngalahirkeun urang
- Bapa téré, nya éta salaki indung, tapi lain anu ngalantarankeun urang lahir
- Anak téré, nya éta anak sampakan ti salaki atawa rubiah
- Dulur patétéréan, nya éta anak indung téré atawa anak bapa téré
- Cikal, nya éta anak panggedena
- Pangais bungsu, nya éta lanceukna bungsu
- Bungsu, nya éta anak pangleutikna
- Baraya laér, nya éta baraya anu nurutkeun pancakaki geus jauh perenahna
- Teu hir teu walahir, nya éta teu baraya saeutik-eutik acan
- Bau-bau sinduk, nya éta baraya kénéh, sanajan geus jauh
- Dulur pet ku hinis, nya éta dulur teges
- Baraya, nyaéta sakur nu aya pakuat-pakaitna pancakaki
- Karuhun, nya éta luluhur,jalma-jalma nu kungsi aya lila heulaan urang, nu ngarundaykeun urang
